November-Mamis 2008 - wer auch?

wie gehts euch bei diesem Huddelwetter? endlich sollte es ja besser werden diese woche. meine zwei kleinen sind ziemlich überdreht, es fehlt wohl an frischer Luft. Aber am SA hat es ja überhaupt nie aufgehört. heute haben wir bei regentropfen etwas Luft geschnappt, aber es war unangenehm windig und kühl. mein mann musste diese wochenende arbeiten, das war schon anstrengend wenn die kinder nicht einfach im Garten sein können.
machts gut und kopf hoch, kann ja nur noch besser werden!!!

---

hallo zusammen

wir erholen uns langsam vom ganzen stress der letzten woche..ich habe mittlerweile abgestillt, nach milchstau, magendarmgrippe und brustentzündung mit 40grad fieber und schüttelfrost. die schmerzen beim stillen waren einfach zu gross und ich für alles zu kaputt..

der kleine weint ziemlich viel und schläft nachwievor hauptsächlich auf mir, kaum lege ich ihn ab, weint er.

sonst geht es uns gut, malea ist gut zwäg udn schläft zum glück endlich ein wenig besser!

padcoy, es ist wirklich ein huddelwetter, jetzt scheint die sonne und doch ist es kalt draussen, weil die doofe bise immer weht! ich merke es auch an malea, wenn man nicht raus kann mit ihr ist sie immer etwas quengelig.

becky, wie fühlst du dich sonst? tönt ja schön, euer regenspaziergang im wald, schade hat er so geendet..

---

@daeumling
hoffentlich gehts mit Enea bald besser, das ist ein anstrengender Start. Aber versuche positiv zu denken und schenk ihm deine Aufmerksamkeit umso mehr, wenn er es so braucht.
Malea ist sicher auch glücklich, dass sie endlich wieder draussen sein kann bei Sonnenschein. Unsere zwei Kleinen geniessen es sehr, heute wurde mit Wasser und Sand gespielt und es war herrlich, wie lieb die beiden zueinander waren. Ich hatte richtig Zeit, mit meinem Besuch zu reden. Habe meine Mutter eingeladen, da sie Geburi hatte und als Überraschung kamen zwei Schwestern die weiter weg wohnen. War super einfach draussen im Garten zu sein.
Ich wünsche dir, dass du dich endlich erholen kannst von den ganzen Strapazen und alles Gute...

---

hallo zämä

es isch ja sehr ruhig worde bi üs, drum machi en versuech üch au mal wieder zum verzellä z'motiviere, ich starte mal en afang...
leider hend alli üsi drü ä kurzi gripp verwütscht, es wär ja alles nu gange, wenn das nid so urplötzlich gsi wär. D'Shirin hed agfange und 7x mega müessä kötzle, si isch sonö armi gsi. Es isch am abig ufem sofa losgange, über alles inä, igittegitt ohni Vorwarnig. De wiiters im Gang, im Bett... ha zum Glück de chli vorgsort und s'Bett provisorisch abdeckt, aber s'Küssi isch de halt glich voll gsi. Scho gmeint diä andere bliibid verschont, isch es de 4 Tag später wieter gange am Morgä am 4i mit em Grossä. Am Abig nu extra vorsorglich en Kübel is Bett gstellt, aber au er isch verwachet und hed nümmä durä möge. Also s'ganzi Bett vollä... Am Morge rüeft dä Devin und hed au scho is Bett kötzlet. Ha echt gmeint ich drülli dure. Ha afig so viel Wösch gha, dass ich nümmä ha nache möge mit wäsche. Ich wünsch das niemertem, so öppis grusigs wenn alles verkötzlet isch.

Jezt simmer aber alli gsund und hoffid wieder uf wärmers wetter. Min Maa hed jetzt nämlich drü Wuchä Ferie und mir bliibid das Jahr diheimä. Glaub da hemmers am erholsamschtä, diä Chlini isch sonäs Gschirri und mir hend würklich im Moment nur wenn sie am schläfälä isch emal ä chli Rueh. Isch ja scho härzig, aber sie isch eifach ä ganz ä quirligi und nüd isch sicher vor ihre. Jetzt redt sie scho einiges und mir stuunid immer wieder, was sie alles scho verzellt. Glaub mit 2 Jährli quasslet sie üs d'Ohre de schön voll wenn's so wiiter gaht. Üsä Grossi isch nämlich s'purä Gegenteil gsi, sehr en ruhige und immer am spiele gsi, stundenlang. Diä Chlinä zwei eher am umäzwirble als mal ruhig am spiele. Isch herzig, aber voll anstrengend mit ihrnä superschlauä Ideen.
Und was machid au üchi Schätzis alles scho so?

@Daeumling
hed d'Malea sich bereits as Brüederli gwöhnt? isch sie ä liebi mit ihm? Gäll, sie schiint au äs Wirri z'si? Oder cha sie wenigstens emal chli bi eim sitze bliibe? Also ufem Bodä i schlafe cha si ja hammermässig. Für das, dass sie ja keini grossi Gschwüschtere hed, isch sie glaub ganz ä viffi? Gaht's mit em chlinä Pfüdi jetzt besser?

---

so schön dass ihrs jetzt so guet hend mit üchem büebli. De chönders jetzt chli afä gniessä.
Ja, ich glaub au d'Malea und d'Shirin wärid es perfekts team, si schienid so ähnlich z'si. Leider isch üsi aber im moment nu gar nid vernüftig, ich cha sie würklich i keim Lade lah laufe lah, sie rumet de eifach us und gaht vollgas dervo. au diheimä hed si immer gueti ideen, einigi sind au super süess. Sie isch es richtigs meiteli, fangt scho a sich abzieh und seit was sie will aleggä. aber immer wieder ruumet si mir schränk us und schimpfe nützt gar nüd, sie finds de nur nu luschtiger. au gaht si mir mal wieder uf kuchikombination ufe und das isch nid ungfährlich...Im moment liebt sis idä gummistiefeli umäzlaufe und am liebschtä nu äs käppli aleggä. Schön findi eifach, dass sie scho so guet redt und eigentlich alles verstaht, da isch sie scho viel wiiter als ihri brüedere gsi sind i dem alter. sie hed grad chli es sturs köpfli zur zyt und tuet amigs wiä verruckt wenn ihre nur das chlinschte nid passt. defür dänki isch es de wieder umso schöner, wenn sie diä phase de dure hed. und obwohls täg git wos eifach nur anstrengend isch, sind eifach riesä schätzis üsi knirpsä!
machids guet und gnüssid dä summer wo hoffentlich zrugg chund.

---