Verschiedenes: Samichlaus-Versli | «wir eltern»-Forum

Verfasst am: 22.11.2011 um 10:39

lulu75

ThemenerstellerIn

Dabei seit: 14.11.2005

Beiträge: 83

Hallo. Bin auf der Suche nach originellen und lustigen Samichlaus-Versli. Bis jetzt habe ich nur die herkömmlichen gefunden.
Für den Fussball-Chlausabend dürfen sie ruhig etwas mordern und witzig sein.
Wer kennt ein paar? Danke für die Tipps.
Viele Grüsse aus dem Nebel

Take it easy

Verfasst am: 22.11.2011 um 13:41

lulu75

ThemenerstellerIn

Dabei seit: 14.11.2005

Beiträge: 83

Niemand? ;-(

Take it easy

Verfasst am: 22.11.2011 um 14:41

Amore

Dabei seit: 25.02.2003

Beiträge: 1472

dieses Versli haben meine Kids letztes Jahr vorgetragen

Samichlaus i han e Frag:
säg, was machsch du jede Tag?
Flügsch im Summer au devo,
uf en Insle irgendwo?

Lisch mit Badhose am Strand,
hesch es Schoggiglacé i de Hand?
Gasch go fische mit dim Bart?
Machsch im Car en Stadtrundfahrt?

Oder blisch du doch lieber dihei,
i dim Wald so ganz elei?
Höcklisch gmüetlich vor dim Huus?
säg, ich lache dich net us!

Lueg, Samichlaus, ich bi no chlii
und scho mängisch äs Luusmeitli/än Luusbueb gsii
Aber weisch, ich cha au ganz e/en liebi/e si,
drum Samichlaus, gell, chunnsch wider ämal verbii!

Dass Du nömme muesch sovell träge,
muess ich Der grad öpis säge,
loh doch das Säckli för mich do,
hesch es denn liechter zum wiitergo 

http://www.creamore.ch

| Mitleid bekommt man geschenkt, Neid muß man sich verdienen |

Verfasst am: 22.11.2011 um 15:17

minörli

Dabei seit: 13.03.2006

Beiträge: 154

Los, liäbe Chlaus, ganz unter öis,
ich ha z'verzele nöd vil neus.

Ich stah vor dir mit zittrige Bei,
weisch, ich bi nöd immer brav dehei.

Ich tue liäber spile, als Ornig mache,
folge nöd gärn, verlüür mini Sache.

As'Zähputze wämmer gschiider nöd dänke.
Tuesch du mir trotzdem e paar Nüssli schänke?

Das, liäbe Chlaus, wäred mini Laschter gsii,
aber such bin ich en Suneschii.

****************

Du schöne Maa im rote Gwand,
grüeziwohl, chumm gimmer d'Hand.

Din lange Bart isch weich wiä Side,
dis Gsicht strahlt uus en grosse Fride.

Dini Stimm isch tüüf und klar,
schneewiiss isch dis gwällte Haar.

Din Blick und au din Charme,
mached mis Herz ganz warm.

Schad, bisch du scho e chli alt für mich,
susch hett i gseit: "Ich hürate dich!"

********************

Verfasst am: 22.11.2011 um 15:27

Gelöschter Benutzer

Für vieles stellt mer hüt Roboter a,
mer seit ohni Computer chas nöd gah.
Es git Ragete und Satelite,
und doch wird uf de Erde immer no gschtritte.

Mer schafft vieles ab und tuet ume hetzte,
nur dich Samichlaus cha niemer ersetzte.
Du lasch dich nöd vom Moderene la leite,
und läbigi Schmutzli tüend dich begleite.

Ziesch all Jahr z' fuess dur euses Land,
dreisch immer s' rot und goldig Gwand,
für jedi Familie häsch Zit und machsch halt.
Ich danke dir im Name vo jung und alt.

Verfasst am: 22.11.2011 um 15:33

Gelöschter Benutzer

As zu üs chunsch, Samichlaus,
han ech hüt mym Bär verzellt.
De hed d Oore nur so gspizt
ond e huufe Froge gstellt.

Wohär du chiemsch,
werom du chiemsch,
ond ob du weder wyter giengsch.

Ich han ihm gseid:
Uuii, Teddybär,
wo nimi blooss die Antwort här?
Hauptsach isch, de Chlaus isch daa.

Da hed er glachet und gseid: JAA!

Samichlaus, das esch ja gstöört;
weisch was hämmer chürzli ghöört?
S gääbi Chind, die folged immer.
Aso mier zwoi sind chli schlemmer.

Folgid mängisch ned so guet.
Doch vo morn aa hämmer Muet,
probierids eifach einisch uus.
Bisch de s nächschti Mal im Huus,
triffsch villecht zwoi bravi Chind.
De fragsch sicher, wer die sind.

Esch es au unglaublich schier,
die zwoi Ängel wärid mier!

(könnte man abändern)

Verfasst am: 23.11.2011 um 08:18

lulu75

ThemenerstellerIn

Dabei seit: 14.11.2005

Beiträge: 83

Merci vielmals. Da können wir sicher noch etwas fussballisch reinbringen.

Es schöns Tägli.

Take it easy