Suzette, das Blatt

suzette erzählt von: jean-michel
liedtext

du bisch gebore no ganz chly,
wo dr früelig im landi sch gsy,
wo d'chnoschpe allu ufgschprunge si,
bisch du luschtig u glücklech gsi,

chlises blatt, dr Summer isch da,
du tanzisch am boum, ganz obedra,
es windet, 's wott es gwitter aafa
drum muesch du di chly feschter ha,

'S isch summer gsy, gar lang u froh
wo bald drufabe dr herbscht isch cho,
di schönschte farbe het füregno
u dr wind ganz fescht u schtarch isch cho,

suzette suzette du farbigs blatt,
bis nid müed u bis nid matt,
häb di, häb di guet adim ascht
es luftet fescht s'verrisst di fascht,

ja du hesch di lang möge b'ha
hesch di fescht gha, hesch nid la ga,
dr wind isch halt en schtarche ma
plötzlich hesch di nüm möge ha,

suzette suzette, du hübsches blatt,
du bisch am bode gläge ir schdadt
i ha di gfunde, ha mi bückt
u fescht a mis härz häredrückt.

ooh, ich hatte als Kind eine Schallplatte (die Kleine Ausführung- wie hiess die noch- 45?). Sie liegt glaub immer noch im Estrich. Die Kinder haben so süss gesungen, habe es heute noch im Ohr. Ein bebildertes Büchlein mit dem Text war auch dabei...... lang, lang ists her....