Wichtelkinder rumpelritterinn/*savita*/schneeflocka/slider12/Zugerin

hallo mein liebes wichtelkind

ojeojeoje, das tönt aber frostig. sind sie am sparen und haben die heizung abgestellt?
hier ist auch extrem kalt. genau mein wetter . freu mich schon auf den nami-spaziergang mit meinem HÜETIhund . gestern wär ich mit schlittschuhen gut bedient gewesen. läck war das sauglatt (und ich mein damit nicht lustig). hab einfach gehofft, dass hundi keine katze entdeckt, sonst wär ich ziemlich flach rausgekommen
muss noch 2,5 wochen arbeiten, wäh. mein immunsystem ist schon in den ferien, bin total erkältet und fühl mich recht bescheiden. aber was solls, wird auch wieder besser.
wünsche dir einen wunderschönen tag, bis bald, hoff ich doch!

hi Wichtelmam,

ich blasa mora de Schnee bis ist Unterland, also tuen d`Chettena montiera a dim Peugot Min VW nit 4x4 muess mi mora au sTal us chauffiera au i liabes nid, also denn luag i grad das a hufe Schnee git, den isch Strass griffig

uf i reg mi grad zimmli uf!!! bi üs im Tal tüend dSchüeler und Lehrer Wianacht fira.. si singend im Altersheim und gönd drnah id Chircha.. Chindi bis 6. Klass isch dr bi.. bi üs sind dEltera nid willkomma!!! Di chlina hend a Chlausfir ka, mit Eltera.. ok.. aber die grossa, hend nüt gmacht.. mini Gross und ihri Klass, übend scho sit Wucha es Liad us em Film Sister Act.. si hend irgend Nonna Kostüm fabriziert, es tönt amal uh spannend.. jetzt han i wella go luaga, und bin abgwimmlet worda.. kei Eltera, seg komuniziert worda.. hai nomal!!! i glaubs eifach nid!!
Leider isch dChircha würkli zkli, das Schüeler und Eltera drin Platz hend.. aber i verstah nid, werum miar aso vor Lehrerschaft usgschlossa wärden.. tja i muess es jetzt akzeptiera..
Das isch wiider so engstrinig, genau das was mi da i dem chlina Tal immer wiider ufregt!!
Entweder machends nüt ir Schuel, und wenn, sind miar Eltera nid willkomma.. die Iheimischa sind sich das gwöhnt, i aber nid.. i nimm gära Teil a dem wo mini Chind tüend..

so jetzt freu i mi ufs Nia.. e chli Dampf ablah, mit Bewegig!!

bis bald Wichtelmam, tschüssli

---

schneeflocka,

jo gäu, mängisch esch es scho ärgerlech, wenn me eifach so usgschlosse werd. Us minere Secht esch d`Chele zwar en schöni Kulisse, aber wenn mer merkt, dass es ned för alli Platz het, denn muess mer haut improvisiere ! ) Mängisch esch es eifach en Frog vo de Organisation. Jedefaus hätti mi aus Muetter, a Dinere Steu , ou gnärvt. ;o)

Dis Päckli het de Wäg of Poscht no emmer ned gfonde ond ietze esch es ganz onmögli, ietz dartfsch denn höre Schnee is Onderland blose för hött, i weiss afe nömme wohe schuufle. ) Mer händ secher öppe 40 cm öberchoh hött ... danke ! ))

Es liebs Grüessli vo Dinere Wechtumam

hey mis wima bisch i gschneit?

---

hallo Wichtelmam...

mini ganz arbet isch für nüt gsi han flocka lah wirbla.. bis ins unterland.. ha wella das es für alli wiisi Wianachta git.. jetzt het min rival Föhn wiider überhand gno.. sogar bi üs isch zimli am grüena... grrr...

danka für dini Nachricht ha mi wiider beruhigt.. aber eso wia iar bi eu diggend, digget da niemer

i losa scho ganz gspannt ob i dr Pöschtler kör hära fahra.. und är miar es Päckli bringt.. i freu mi so!! immer wiider han i erinneriga a mini WirEltern Wichtelzyt.. i han bis jetzt übercho: es Windliacht mit Mosaikstei, es läderschnuer mit Glöggli dra und Glasstei, sie hanget sit es paar Jahr ar Huustüra, e Handbemalti Schala, und en Paradiesvogel für dr Christbaum.. also für mi isch es immer en volla erfolg gsi.. wenn i den lis, das es Wichtelchind git, dia läär usganga sind, tuet miar das immer leid... i bin scho gwundrig was du liabs Wichtelmami für mi usgheckt hesch..

so söt i dChuchi, lasagne isch gwünscht, denn am Namittag uf Ski.. leita hüt es training.. am Weekend hemer 2 Renna ka.. die Chli het eimal gwunna, obwohl si so zimli di chlinscht isch.. schön das git motivation für dr Winter... am Abig ghan i de no i mini alt Heimat an es Geburtstagsfescht.. ja es lauft a di a bitz stressig Zyt..

ciau,ciau

---